الشاعر ألمبدع حماده وحيد
يكتب....
ناويه يادنيا معايا على إيه
وإيه تانى زمانى مخبيه
وبعد الجرح اللى شوفته
وكل الحزن اللى عشته
هتورينى إيه .
فى كل سكه بلاقى
همومى مستنيانى
وإيه تانى لسه باقى
مخبياه أيامى
علطول عايش جوايا
مرار ملوش نهايه
والحزن تملى مصاحبنى
والجرح ملازم خطايا
مفيش حد فى دنيتى
يوم حس بيا
والحزن ضيع ضحكتى
والدمع مالى عينيا
أيامي سرقت فرحتى
خدعتنى وضحكت عليا
حبايبى اللى منى خانونى
هنت عليهم وباعونى
نسيوا اللى عملته عشانهم
إتخلوا عنى وسابونى
مش هبكى فى يوم عليهم
ولا هشغل روحى بيهم
خاينين ميستهلوش
إنى أفكر فيهم
كلمات الشاعر /
حماده وحيد
ليست هناك تعليقات:
إرسال تعليق