الشاعر ألمبدع. خالد عبد الحميد خربوش
يكتب....
قصيدة {الأصيل سيد درويش}
للدكتور/ خالد عبدالحميد خربوش
في ذكرى ميلاده١٨٩٢/٣/١٧م
………………………………………………………
لوقتنا وبحق مافيش
دخل النخاشيش
بعد الأصيل سيد درويش
أبو فن مليح
****************************
لحد يومنا نغني غناه
ونقول مااحلاه
ورغم ده برضه ظلمناه
هـــزّْ وتــْنـــويــــح
*****************************
الهزّْ من شلِّة مقاطيع
غـاويـيـن تـرزيـع
حطُّوا لأصالته ياناس توزيع
وبـشـكـل قبيح
******************************
ومناحه من ناس غاويه خروج
على أىِّ نضوج
طلعت بنُص لسان معووج
نازله تشرشيح
******************************
أنا قُلت لأ..ده يبقى كتير
وماهوَّاش خير
رجعت لُه ولفنُّه أسير
مـن غـير تلميـح
******************************
فـــ يوم لقيت لحن بلادى
جاى بينادى
بـــ صوت جميل هزّْ فؤادى
دا غير التواشيح
******************************
والحلوه دى قامت يابني
دى بتطربني
ويامَْحلا نورها بتعجبني
مش عايزه مديح
******************************
المَغْنَى كان ويَّاه إصلاح
وليالى مِلاح
دلوقتي كل المَغْنَى نواح
وكأنُّه جريح
******************************
المَغْنَى راح معناه، إسمه
وكمان رسمُه
دلوقي شِلَّه بتتقاسمُه
وآهى فيه بــ تطيح
*******************************
لكن مقامك فوق عالى
أصلك غالى
والعود في إيدك يحلالى
باسمع تفاريح
٠•••••••••••••••••••••••••••••••••••••••••
الدكتور/
خالد عبد الحميد خربوش
من ديوان{هَمِّ الناس}٢٠٠٧م
ليست هناك تعليقات:
إرسال تعليق