الشاعر ألمبدع ابو ناصر المحرج
يكتب...
( اجرحيني )
.
.
اجرحيني كان في جرحي رضاك
الألم في خافقي ماهو جديد
عذبيني كل ما املك فداك
دامني قربك فأنا والله سعيد
ماتحسي بنبض قلبي ياملاك
من قوته احس نبضه في الوريد
ليت من هو دايماً جالس معاك
يتْنَفَسكْ في كل لحظه ياعنيد
سبحانه اللي صورك واللي عطاك
باالزين ربي كملك جنسك فريد
ياعيوني وش جرى لك وش بلاك
غيرك امن البيض ماشافت اكيد
ازهم اسمك وأنتظر يرجع صداك
مدري من فعلي انا وش مستفيد
من سبتك اخاف اوٌصٌل للهلاك
لاذكرتك دايماً همي يزيد
ارفقي في اللي تعذب في هواك
ليش؟ قلبك قاسيٍ كنه حديد
لوكان قربك ينشرى ما ابغى سواك
بعطيك مني شيك مفتوح الرصيد
.
.
(ابو ناصر المحرج)
ليست هناك تعليقات:
إرسال تعليق