الشاعر ألمبدع محمد قهيري لعبيدلي
يكتب...
....الشعر الشعبي .... (الشعر الملحون ... الجزائر .... ولاية الجلفة ... ).....
** سبة ذالحيرة **
يا من كنت جافية شاو الخطرة....
خليتي لقليب قادي مشعالو.....
ومزيلف مهيون درتيلو مكرة....
عيشتيه عذاب لاما يحلالو....
قلبك قاسي رآه كي مثل الحجرة....
هنتيلي لقليب زدتيه هبالو.....
ساهر طول الليل قاديلو جمرة.....
وسماطت ليام عنو و طوالو.....
يبكيلي بدموع دارتلو جرة.....
تتهوطل بامطار راهم مزالو....
كثرتلو لاحزان زادت بالكثرة.....
غيم المحنة طاح نيل بكحالو ....
عياني لقليب ولالي عرة......
منو راني عاي زايد تهوالو.....
عاشقلي فالريم باهي فالنظرة....
زينو يا محلاه شوعارى قالو.....
حوس عالغزلان فالبرور الصحرة...
جيبولي نشتيه لازم نقدالو....
ما نصبر محال لازملي خطرة...
نقدى للقيفار يحلا تجوالو....
عاشرنا لاعلال ملكتني حيرة.....
وقليبي مهموم لاهب مشعالو....
قلبي شوق شور لبرور الضهرة.....
ذاك البر الزين قلبي يهنالو....
نسري نص الليل قدام البكرة.....
قاصد ذيك برور ونحط خبالو....
يظهرلي خيال مطبوع النظرة....
يتمثل عرقوب في وسط جبالو....
ذا خلق الحنين عالي فالقدرة.....
ويبدل لاقدار ذا واش يسالو.....
نتفكر من كان شاعلي جمرة....
يشبه ريم غزال باهي بجمالو.....
راهي بنت الصيل جمال و سترة....
أهل كرم والجود معروف رجالو....
وقليبي مغروم عاشق فالسمرة....
زادتلو لامحان و كثر تهوالو....
ساهر طول الليل عابدلي سهرة....
متحيحي ملطوم لاما يحلالو....
يتجلطم كالعود ما بالي يبرة....
هذا بحر غرام بدلي حالي....
بحر الحب الصعيب وطريقو وعرة....
يتلاطم جهلاب عدك تصفالو...
هذا حب الريم ولالي حفرة....
محفوفة باخطار لامن ينجالو....
لقهيري من قال نظم ذ لهدرة.....
وكتب عل لحبيب كمل لاقوالو....
من إعداد : محمد قهيري لعبيدلي ..زينو
ليست هناك تعليقات:
إرسال تعليق