الشاعر ألمبدع عاطف عبد العظيم المنشا وى
يكتب...
.....الليل اللى محدش عارفه ......
......................................................
ليلاتى وقبل ما نام ....
اقفل على روحى زراير جسمى ...
والف وشى فى ملاية العتمه .......
وافضل اقرا فى أية الكرسى ....
لجل ما تمسح من جوايا .....
الخوف الدايس على حافة قلبى .....
وابص .....مابين خيوط القلق المضفوره ف شعرى .....
اتفرج ع الليل النايم عريان فوق لسفلت .....
والسما المرميه على وش الميه .....
مش طا يله الشط .....
وبيوت مركونه على بعضيها .....
نا يمه وعما له تغط .....
والشارع مسطووووووووول وف غز روقا نه ....
مبسوط وفيروز بتزغزغ فى سواده .....
ياااااه دى الليل هوووو.....
نعسانه كل حدوده .....
حتى نجومه ..نازله تبوس الارض وش ضهر ....
غيرشى شوية ابا ليس بيشوطوا ضمير الخلق ....
وملايكه عما له تستف فى ذنوب .....
وقلوب من تحت الغطا عما ل تزغد بعضيها.....
فتحت عنيا المرميه فى نص هدومى ....
لطشطنى بيوت الشعر الفايحه بريحة الخمره ....
وقصايد بتهبهب بين دخان البا نجو .....
بترقص فوق عوا ميد النور .....
اتكا فيييييت ....وفضلت الحس فيا طعم البكا ....
شرب البكا لسا نى ....
لملمت جسمى وعا يز اقووووم ....يا بووووى ....
رجليا تقيله ما قدراشى .....
حسحست على دما غى .....ياااااه
طارت وملقتها شى ......
.............شعر / عاطف عبد العظيم المنشا وى ....
ليست هناك تعليقات:
إرسال تعليق