الشاعر ألمبدع Fayouza
يكتب...
انتايا بجفاك طولت الغيبة *** و نا راني تايهة في عيون الناس
سقسيني و نعيدلك هذ النوبة *** قسمو قلبي في غيابك زوج نصاص
النص لول باعني حين تعبى *** زاد الثاني مابقى يقطع لياس
و في النصين اعلال و جراحي تنبى *** سكنتني لوهام زايدني وسواس
حالي حال غريب مشتاق التربة *** حالي حال قليب طعناتو لمواس
تلمع سنيلتي شباحي في الرقبة *** عادت سنسلتي مصديا صنع نحاس
وخواتم صدات و بقات الكتبة *** اسمك باقي كي ركيزة وسط الساس
نحكيلك لسباب وانتايا سبة *** نحكيلك ضربات وجعوني فالراس
راهي غير محان وتوصي غلبة *** راهي غير مرار كي ناصفت الكاس
كسرتني ليام ما طقت العقبة *** و استسلمت اليوم هذا حد الباس
Fayouza
ليست هناك تعليقات:
إرسال تعليق