الشاعر القدير /// شاعر القريه
فيصل بدر
((( يكتب //غريب يا امه )))
النبى ع الغـُربه
ما احناش لايحين
وحياة رحمة ابوك
اشتَقْت لخبطة ايدك ع الباب
اشتقتْ لبوستك ايدى
يا اعز الاحباب
النبى من يومك
ما بطـُل علينا جيران
ولا حتى اصحاب
انى واعيه ان الغـُربه يا قلبى
مرار وعزاب
من يومك وانته مخالف
وملاوع وبزربونه
انما كان حِسَّك مالى علينا الدار
ما اشتاقتش يا ضنايا فى يوم
لامك تِرقيق
ما اشتاقتش ساعة الفجر
تشم الصوت لما با اصحيك
ما اشتاقتش تشرب شاى
ع المصطبه ادام الدار
ما اشتاقتش تسمع منى
حكاية فهد ابن النجار
قال ايه
فهد ابن النجار بعد السبعين
يسهر ويروح للمزيكا عزبة حسنين
ابن الملاعين
شاعر القريه
فيصل بدر
ليست هناك تعليقات:
إرسال تعليق